واحـــــــــــــــــــــــــــــــــة الـــقــــلـــــــــــــــــــــــــوب
اهلا وسهلا بكم نتمنى لكم قضاء وقت ممتع معنا


واحـــــــــــــــــــة القـــلـــــــــــــــــــــــوب
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 قصيده عن الثورة المصرية بعنوان (عصفور الامل)

اذهب الى الأسفل 
كاتب الموضوعرسالة
احمد الشرقاوى

avatar

عدد المساهمات : 10
تاريخ التسجيل : 11/04/2011
العمر : 24

مُساهمةموضوع: قصيده عن الثورة المصرية بعنوان (عصفور الامل)   الإثنين أبريل 11, 2011 11:25 am


عصفور الامل زقزق وطلعله صوت من تانى
والصبح هّل وشقشق من بعد ضلمة ليل طويل
والشمس طلعت بنورها اللى كان مدارى
ورا سحابة خوف ويأس ومستحيل
……………………….
اّّن الأوان ياظالم تخاف من المظلوم
اّن الأوان ياهم ترحل عن المهموم
ياثورة ياللى هنتحكابك فى الحواديت
فى ايه بعدك يا ثورة غير ان القيامة تقوم
……………………….
كان يوم ولا ألف يوم مـ الكلام يوصفه
كان يوم كأنه عشرة عمر كأننا نعرفه
كان يوم ربيع دافى فى عز برد الشتا
كان اخويا واختى وحتتى بيحسسونى بالدفا
كان ابويا شايلنى على اكتافه
وكانت امى وخدانى فى حضنها
كان جدى رجله سابقة رجلى مع انه عدّى ميت سنه
كانت أحلامنا النيرة مالية قلوبنا الصافية البريئة
كونا بنحلم يجى يوم نخفى اّلام الحقيقة
وحلمنا اتحقق ببركة دعوة المظلوم
وبالتحدى وبالتصدى وبالعزيمة
………………………..
كان شعبنا كما الطير الأسير
(محبوس فى خوف وظلمة)جوه سجون كتير
صرخ بعلوالصوت _ قتل كل السكوت
كان الصغير صوته اعلى مـ الكبير
صوته طمن كل قلب _ صوته نوّر كل ضلمة
صوته هون كل صعب _ صوته على كل همة
صوته فتحله كل السجون المغلقة علشان يطير
………………………..
وقفنا ايد واحده كلنا جوه الميدان
رغم الرصاص والدبابات كونا حاسين بالأمان
كونا قوة الفراعنة وهما ببنوا الأهرمات
كونا عقل صلاح الدين اللى حقق معجزات
كونا بكره اللى مستنيه يجى الزمان
مش حدوته محكية وكان ياما كان
كونا خطوة تايهة وعرفت طريقها منين
كونا ضلمة ليل واتكتفت بالنور المبين
كونا (كابوس محبوس فى نفوس) وبقينا(رؤية صالحين)
………………………..
ياخوف ياتقتل نفسك ياهنقتلك بايدينا
انت غريب ياخوف ومعتش للغريب مكان وسطينا
والأمان اللى تاه وسط زحامك ياخوف
هندور عليه وهنلاقيه ونعيشه جوانا

احمد الشرقاوى
[b] sunny sunny
الرجوع الى أعلى الصفحة اذهب الى الأسفل
Admin
المديرالعام
المديرالعام
avatar

عدد المساهمات : 705
تاريخ التسجيل : 21/10/2010
الموقع : منتديات واحة القلوب

مُساهمةموضوع: عصفور الامل   الجمعة أبريل 22, 2011 5:20 am

جميل يااحمد

واتوقع لك مستقبل باهر

كشاعر عامية

ربنا يوفقك
الرجوع الى أعلى الصفحة اذهب الى الأسفل
http://harb.roo7.biz
احمد الشرقاوى

avatar

عدد المساهمات : 10
تاريخ التسجيل : 11/04/2011
العمر : 24

مُساهمةموضوع: رد: قصيده عن الثورة المصرية بعنوان (عصفور الامل)   الأربعاء أبريل 27, 2011 10:25 am

سعدت كثيرا بمروك على كلماتى المتواضعة

استاذى الفاضل استاذ وحيد حواس

واشكرك كثيرا على هذا التعليق الذى ادخل السرور على قلبى

دمت بخير ولك منى ابهى وجمل الاحترام والتحيات
الرجوع الى أعلى الصفحة اذهب الى الأسفل
 
قصيده عن الثورة المصرية بعنوان (عصفور الامل)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
واحـــــــــــــــــــــــــــــــــة الـــقــــلـــــــــــــــــــــــــوب :: هـمــــــــــــــسات الـــــوجــــــــــــــــــدان :: ركـــن ابداعــــــــــــــات الاعضـــــــــــــاء-
انتقل الى: