من كلماتى .........................كل بيت .............اتمنى تعجبكم.

قصيده كل بيت (من كلماتى).

كل بيت فى الدنيا مقفول عاللى فيه
ايه جواه …مدام براه…انت وغيرك هتعرفوا ايه
جواه حكايات لو تتحكى تملى ملاين السطور
ممكن يبقى جواه ضلمة وممكن يبقى جواه نور
ممكن يبقى جواه حد جوه عيلة وميت حبيب حواليه
وممكن يبقى جواه حد محتاج حد يطل عليه
جواه اللى برسم بسمته قدامنا ويدخله يبكى
وجواه اللى بضحك قدام ضيفه لحد مايمشى
جواه اللى شايل طاجن سته فوق راسه
وجواه اللى حابب دنيته وناسه
جواه اللى مزاجه متعكر وجواه اللى مزاجه رايق
جواه اللى مبسوط وجواه اللى مضايق
جواه اللى مش خايف مـ النهارده وبكره
وجواه اللى بيصتاد فى مية عكره
جواه اللى بتحدى الالم والهموم
وجواه اللى بيموت بالبطىءكل يوم
جواه اللى بيقول اطبخى ياجارية تقول كلف ياسيدى
وجواه اللى نفسه يبقى عنده جارية ايده مش طايلة ومش لاقى
جواه اللى لو قدم خطوة يرجع التانية
وجواه اللى بجرى اسرع من الدنيا
جواه اللى بيتوه فى وسط الزحمة
وجواه اللى عمره ماكان على راسه بطحه
جواه اللى بيخربش فى الدنيا بداوفر من حديد
وجواه اللى بداس مـ الضعيف قبل الشديد
جواه اللى بيحارب عشان يلاقى لقمة العيش
وجواه اللى جعان وعنده اكل ياكل جيش
جواه اللى ايده متكتفة بسلاسل ياس وخوف
وجواه اللى عمره ماخاف مـ الظروف
جواه اللى لو قدامه ميت حفرة حالف ميقعش ويخطى
وجواه اللى لو عدى من الحفرة من الدحديرة مش هيعدى
جواه اللى حلمه عمره ماكان له اخر
وجواه اللى وقت الجد يبعد ويتاخر
جواه اللى غاوى تحدى الحياه
وجواه اللى لو وقع خلاص انساه
جواه اللى بيقتل القتيل ويمشى فى جنازته
وجواه اللى بدى للمحتاج كل اللى حيلته
جواه اللى قرصته اصعب من التعبان
وجواه اللى وقت الشده بيبان
جواه اللى مهما تعاشرة متعرفش عايز ايه
وجواه اللى تعرف كل حاجة عنه اول ما تبص فى عنيه
جواه اللى قلبه مليان سواد وجواه اللى قلبه مليان خير
جواه اللى متثبت مكانه وجواه اللى طاير فى السما طير
جواه اللى بحلم وجواه اللى ياس من الاحلام
جواه اللى بيحب الشر وجواه اللى بيحب السلام
جواه اللى فيه لله وجواه البخيل
وجواه اللى مهما طلع النهار كل حياته ليل
جواه اللى اتعود ينام من غير عشى
وجواه اللى شبعان وجاره جعان معندوش خشى
جواه اللى شايف النور ضلمة وجواه اللى شايف الضلمة نور
جواه اللى واضح وجواه اللى بيلف ويدور
جواه اللى سهل يسرق الكحل مـ العين
وجواه اللى بتتحدف عليه المصايب متعرفش جياله منين
جواه العاقل وجواه المجنون وجواه اللى قرب خلاص يتجن
جواه الظالم وجواه المظلوم وجواه الانس وكمان الجن
جواه اللى بحلم كل يوم يعيش فى غيره
جواه اللى حابب عشته فيه ورافض يسيبه
كل بيت فى الدنيا مقفول عاللى فيه.
اتمنى ان تنول اعجابكم

موضوع: كل بيت الجمعة أبريل 22, 2011 5:13 am

جميل يااحمد ولكن لا تنسى ما حدثتك عنه

الى الامام دائما سلمت يدك

طبعا لن انسى كل كلمة قولتها لى ياستاذى الفاضل

وشكرا على المرور تحياتى

» حكاية حكاها جدى من كلماتى
» بعت النبضات