((اخر كلمة))

اخر كلمة قالها حبيب

حاسب يازعيم ع المشاريب

الشعب مجروح وجراحه

مس بين ليلة ويوم هطيب

قالها وساب الشرطة وفل

سابها تضيع تنهار تنذل

سابها لشعب مليان كبت

اكل جلده برد الطل

سابها فى وسط الغضب العاصف

لقلوب مش ممكن تتعاطف

سابها فى وسط مهب الريح

بين انياب الموت الخاطف

مع سبق الاصرار والدافع

ساب افراده تموت فى الشارع

خان العهد ووقت الازمة

فر ولى هرب واتراجع

ساب اقسام الشرطة تولع

ساب مساجين من سجنها تطلع

ساب ظباط تتهان تتبهدل

ادام بلطجى مجرم تركع

اسوأ ذكرى للداخلية

لرجال الشرطة المصرية

كان عنها هو المسؤل

العدلى عديم الوطنية

باسم الشرطة وبشهداءها

ظباطها صولاتها وامناءها

لازم ناخد حقنا منه

لازم ندى الشهدا حقوقها


شعر على الدسوقى