اسف يامصر بقولها وبكل احترام
كان نفسى اكون جنبك واحافظ ع النظام
لكن فيه ناس كارهه امانك خايفة منه
خفافيش ومابتظهرشى غير وقت الظلام
ضباط كتير اتقتلو على مرئى العيون
وكأنهم باراك وعساف او شارون
مع انه مسلم او مسيحى بردو زيه زينا
لكنه كان ذنبه الوحيد حب القانون
كان فيه فساد بس الجميع مش مفسدين
عشان كده انا بقول متأسفين
مفيش مرور مرور مفيش كمين ولا ملاحقة مجرمين
سيبو البلد للبلطجية واللصوص والنصابين
وابقو افرحوالما تضيع اغلى الامم
وبرضه هاتو حق كل اللى انظلم
واما تحسو حقيقى ان الحمل زاد كتر الفساد
وسط الميدان نادو بصوت عالى نعم
نعم لكل امين وضابط مخلصين
نعم لكل عسكرى وصول امين
نعم لناس وهبو حياتهم لمصرنا
وساعتها هنلبى الندا ونقسم يمين
ما نسبها مصر غريقة فى بحور الجرايح
ولا نسامح يوم فى حق من اللى رايح
نرفع رايتها نصون ترابها وامنها
والشعب نبقى فى خدمته بكل التسامح
من كلمات على الدسوقى
موضوع: ( اسف يامصر ) 
الخميس أبريل 28, 2011 7:36 am
